][][§¤°^°¤§][منتديــــات(M-UNiT)أم يونــت ][§¤°^°¤§][][ فهرس المنتدى س و ج ابحـث قائمة الاعضاء المجموعات ادخل لقراءة رسائلك الخاصة شارك دخول  
سندريلا ولكــــــــــــــــــــــــــــــــــــــــــــــــن

 
انشر موضوع جديد   رد على موضوع    ][][§¤°^°¤§][منتديــــات(M-UNiT)أم يونــت ][§¤°^°¤§][][ فهرس المنتدى -> قســـم القصـــه والخيـــال
استعرض الموضوع السابق :: استعرض الموضوع التالي  
مؤلف رسالة
MX
المديــر
المديــر


شاركت: 13 مارس 2007
نشرات: 721


المكان: UaE_al ain......sudan_al jazeerah.....syria_hims

نشرةارسل: الاثنين يوليو 16, 2007 8:17 pm    موضوع الرسالة: سندريلا ولكــــــــــــــــــــــــــــــــــــــــــــــــن  رد مع اشارة الى الموضوع

قصة سندريلا بالسوداني

--------------------------------------------------------------------------------

يلا يا اخوانه دي قصة سندريلا بــــــــــــــــــــــــــــــــــــــــــــــــــــــــــــــــــــس باللغة السودانية

ملطوشه..... لووول

طبعا قبل ما نبدأ لازم نحول الشخصيات


لشخصيات سودانية

اتعرفوا معاي على الشخصيات




البطلة:سندريلا (فاطنة السمحة)علشان تبقى قصة سودانية

البطل:الأمير طبعا لازم يكون (أمحمد)

تاني الشخصيات الشريرة: مرة ابوها وبناتها نفيسة وبتول

ام الامير: ام أمحمد


هع هع مالا بقت صعبه كده المهم.....


بعد كده حأبدأ احكي




كان ياما كان في غديم الزمان وسالف العصر والاوان

كان في بت إسمها فاطنة السمحة ساكنة مع مرة ابوها الكعبة وبناتها بتول ونفيسة

كانوا خاتين ليها شغل البيت كلوا فوق راسها
امهم بي هناك تكورك كنسي الحوش ده وغسلي العدة ونزلي الهدوم دي من الحبل

ونفيسة جايطة بي هناك قالت جعانة (هي متين قاعدة تشبع اصلا)

وبتول قالت عاوزة يكووا ليها هدومها


المهم في الموضوع انو حياتها كانت جحيم في جحيم


وفي الطرف التاني من البلد

محمد امو جايطة فيهو وكل يوم رافعة ليهو كثافتو

تقول :

انت يا ولدي ما عايز تعرس

انا عاوزة اشوف وليداتك
يا ولد ما تحرق لي قلبي اكتر من كده

انا عاوزة اشوفك في الكوشة

متين اعرس ليك واخت ليك الحنة بي يدي

واعمل ليك الجرتق

وهو طبعا قاعد صاني ماعاوز يرد علشان ماتعصب فيهو

طبعا في عز الشكلة دي جا الوزير واقترح ليهو اقتراح

خطييييييييييييييييييييييييييييير

قال ليهو نعمل لينا حفلة ونعزم فيها كل بنات البلد

وانت تختار منهم البت البتعجبك

وافق محمد على مضض



المهم انهم بدوا يعزموا كل ناس البلد واكيد عزموا بيت ناس فاطنة السمحة


بمجرد ما نفيسة وبتول سمعوا بالحفلة وان محمد داير يختار ليهو عروسة


اتكبكبوا وكل وحدة فيهم ارتبكت وبقت تفكر يا ربي ألبس شنو؟ وأسرح كيف؟
(كأن اللبس او التسريح ح يغير من واقع شناتهم المرير)

المهم بدوا التجهيزات

وطبعا فاطنة جات بشلاقتها المعتادة وسذاجتها وقالت لي مرة أبوها:
أنا عاوزة امشي معاكم.

طبعا مرة أبوها ما كذبت خبر وقالت ليها:
تمشي وين يافردة انتي تقعدي تترزعي في البيت دا, ما في ليك مشي.

مشت فاطنة بي قلبها المكسور وقعدت في المطبخ.

بعد شوية سمعت نفيسة بتناديها: يافاطنة يافاطنة تعالي اقفلي لي الفستان(طبعاً نسيت أقول ليكم ان نفيسة دي سمينة سمن فظييييييييييييييييع لدرجة انها عاوزة ليها كرسيين عشان تقدر تقعد)

وبتول زعلانة قالت الاسكيرت واسع وما لاقيه ليها حزام قدرها من شدة ما هي ضعيفة
(كانوا يلخبطوهم ويقسموهم حتى يبقوا زي الأوادم)

عموما أهو مشوا الأمور وطلعوا مشوا الحفلة


وقعدت فاطنة حزينة تذرف في دموع الهم.
بعد شوية جاتها جنية وقالت ليها مالك يا فاطنة السمحة زعلانة

قالت: مرة أبوي ما خلتني امشي معاهم الحفلة...........بعدين حتى لو كانت خلتني كنت ح أمشي بياتو هدوم؟؟.أحسن الما خلتني واتفقعت بالبكا

الجنية حنت عليها وقامت طلعت.................

عصايتا السحرية وحولت ليها هدوما القديمة لفستان رووووووووووووعة ما شفت زيو قبل كده

وقالت ليها :شوفي لي 3 كدايس وخنفسانة وقرعة جيبيهم لي


فاطنة مشت جابت ليها الحيوانات القالت دايراهم

والجنية طلعت عصايتا السحرية وحولت ال 3 كدايس لاحصنة
والخنفسانة لسائس والقرعة لعربة(طبعا عربة كارو ما تتخيلوها عربة زي البتشوفوها في افلام الكرتون)

فرحت فاطنة فرح شدييييييييييييييد لمن بي هناك بس فجأة انتبهت لي رجلينها لقت نفسها لابسة سفنجة قديمة مقطعة

طبعا زي ما كلنا عارفين الجنية طلعت ادتها جزمة قزاز(تعني زجاج ما يعني من محلات قزاز)

(أنا المحيرني ليه هي ما حولت ليها السفنجة لي جزمة )

وقالت ليها: لازم ترجعي قبل الساعة 12 لأن مفعول السحر ح يتفكى


المهم في الموضوع ان فاطنة ركبت العربة اللي بالي بالكم وراحت الحفلة


في الوقت دا محمد كان قاعد زهجان لأنو مافي وحدة عجبتو

وشوية وح يطرشق من الزهج

قدر ما بتول ونقيسة اتخففوا ليهو أصلوا ابى ما يعبرهم


وفجأة:::::::::::::::::::::::::::::::::::::::::

جات داخلة بت حلوة حلاة شددددددددددددددددديدة شرط عديل كده


والناس ديل كلهم بقوا فاتحين خشومم وقاعدين يعاينوا ليها

وكل وحدة تلكز في اللي جنبها: يابت أمي شوفي البت دي سمحة كيفن

وديك بي هناك تقول:سجمي سجمي هو الله خلق سماحة زي دي

ونفيسة مهرية عاوزة تقطع نفسها وقادة تقول لي بتول: العارض دي جاتني من وين حسي.؟؟ محمد كده ما ح يعاين لي

(يعني لو فاطنة ما جات محمد كان ح يعاين ليها؟؟؟؟؟؟؟؟؟؟
بتحلم البت دي ولا شنو؟؟؟؟؟؟؟)




طبعا مافي داعي احكي ليكم محمد حالتو كانت كيف؟

ماقادر يتمالك اعصابو من الهجمة وبقى ما شايف في الحفلة
زول غير فاطنة.
فاطنة وبس

ومشى ليها براحة براحة وقال ليها:
ممكن ترقصي معاي الرقصة دي

وبدوا يرقصوا(طبعا الرقصة:هي بترقص الرقصة البي الرقبة ديك وهو بيبشر ليها)

وقعدوا الحفلة كلها يرقصوا

وفجأة:::::::::::::::::::::::::::

سمعت فاطنة صوت ال........طبعا ما الساعة .سمعت صوت عمو صلاح بتاع الحطب اللي بيمر كل يوم بليل ينادي


يا بردان الحطب حطب حطب


قامت جارية فللي طلعت وجارية وجارية وفي اثناء ما هي جارية اتقلعت فردة من الجزمة ووقعت
سابتها وفضلت جارية يحدي ما ركبت العربة


ومحمد جاري بي وراها يا بت استني. يا بت ما قلتي لي اسمك منو؟
( هو لو ما أهبل بدل ما قاعد الحفلة كلها يبشر ما كان يسألها إسمك مين؟؟ ولا ساكنة وين؟؟ )

ولقى جزمتها واقعة قام شالها نظام ذكرى من الحبيب


وفي نص السكة السحر اتفكى ورجعت هدوما مقطعة ورجعت السائس خنفسانة والأحصنة كدايس والكارو قرعة

ولقت نفسها ضيعت فردة الجزمة......طلعت الفردة التانية ختتا في جيبها.......وكملت باقي المشوار كداري


محمد رجع بيتهم ماسكاهو حالة اكتئاب
وأبى الأكل والشراب

وطبعا أمو ما قصرت إشتغلت في أبوهو زن
الولد ح يضيع مني
الولد ما بياكل ولا بيشرب
شوف لي للولد دا حل
كان ما بتقدر وديهو الإسبتاليه
ياخي انت داير الود دا يموت لي
البت سجم الرماد دي كمان جاتنا من وين تجي تعمل
في ولدي العمايل دي كلها

ودموعا عشرة عشرة
إهي إهي إهي


وطبعا جا مين؟؟؟؟؟؟؟؟؟؟؟؟



الوزير حللال المشاكل


وقال لمحمد انت مش عندك فردة الجزمة؟؟
نحن نلف البيوت دي بيت بيت يحدي ما نلقى البت المقاسها قدر الجزمة.حتكون هي البت الإنت بتفتش عليها

طبعا محمد انبسط ورجعت ليهو الروح مرة تانية


وقال للوزير خليهم يجهزوا لي حصاني

وساق حصانوا وطلع في رحلة البحث عن حبيبة القلب

طبعا معاهو الوزير



ولفوا البلد بيت بيت ما لاقين ليهم بت مقاسها قدر الجزمة
(حاجة تحير اصلو فاطنة دي مقاسها كم ما في بت مقاسها زيها
اه نسيت دي ما فاطنة السمحة اي حاجة بتاعتها فريدة مافي زول زيها)

لحدي ما وصلوا بيت ناس فاطنة السمحة




وطبعا جوا بتول ونفيسة علشان يجربوا الجزمة

أصلا بتول الجزمة بقت فيها مركب بس

ونفيسة الجزمة كلها دخلت في أصبع واحد

في الوقت دا فاطنة كانت قاعدة تكنس في الحوش قام محمد شافها
وناداها تجرب الجزمة

ونفيسة لسه مصرة إلا تدخلها

قام الوزير جراها منها بالقوة وقال ليها :انتي دايرة تكسري الجزمة بي كراعك السمينة دي التقول كراع فيل

وادى الجزمة لي فاطنة
طبعا أول ما ختتها في رجلها دخلت بكل سهولة
قامت طلعت الفردة التانية من جيبها ولبستها

محمد ما صدق:اه اه انتي الكنت بفتش عليك من زمان
تعبتيني معاك
بس الحمد لله اخيرا لقيتك

ومرة ابوها وبناتها فاتحين خشومم ما مصدقين

وساقها معاهو وعرسو وأمو سوت ليهو الحنة والجرتق

وعاشوا في سبات ونبات وجابوا اولاد وبنات.................


اها لقيتوني كيف؟؟!!




عدم موضوع الف طبعاً

_________________
لا تأسف على غدر الزمان.لطـالما
رقصـت علـى جثث الأسود كلابـا.
.لا تحسبن برقصهـا تعلوا على اسيادها.
.تبقى الاسودُ اسوداٌ والكلابُ  كلابا
الرجوع الى المقدمة
استعرض نبذة عن المستخدمين ارسل رسالة خاصة ارسل الرسالة MSN Messenger
SaM
مشرفة قسم الصور
مشرفة قسم الصور


شاركت: 12 مارس 2007
نشرات: 3672


المكان: UAE

نشرةارسل: الثلاثاء اغسطس 14, 2007 10:08 pm    موضوع الرسالة: رد مع اشارة الى الموضوع











ههههههههههههههههههههههههههههههههههههههههههههههه
ههههههههههههههههههههههههههههههههههههههههههه

والله بالغت يا إم إكس ,,, عملتها كيف دي


بجد حلوة شديد

أنا لما قريته قعدت أضحك بأعلى صوتي والله

جد جد مبالغة

تسلم ياعسل

_________________
الرجوع الى المقدمة
استعرض نبذة عن المستخدمين ارسل رسالة خاصة
''LIL MO"
المشرق العام
المشرق العام


شاركت: 11 مارس 2007
نشرات: 1941


المكان: الامارات (دار الزين)--السودان --الجزيره

نشرةارسل: الخميس اغسطس 16, 2007 1:57 pm    موضوع الرسالة: رد مع اشارة الى الموضوع

هههههههههههههههههههههه


والله لكن بالغته يا مــــــــــــــــــــــــــــــــــــــــــــان


على فكره احلى من القصه الواقعيه بكتيييييييييير


تعرف حقو نمثله تمثيل في المسرح هنا ونصوره بتطلع جامده والله



بس حنجيب نفيسه وبتول من وين نحنا


بس بمناسبة القصه دي
سوال كده


هل قصة سندريلا دي حقيقه وله بس خيال ؟؟؟؟؟؟؟؟

ولو حقيقه من وين اصل السندريلا ؟؟؟؟؟؟؟؟؟؟؟؟؟


______________________________________________________________________
اوريكم انا احتمال ما تكونو عارفين ....


ايوه قصة السندريلا حكايه واقعيه وحصلت في زمن من الازمان

والسندريلا ........فتاه مصريه المصريين ديل حاشرين نفسهم في اي شي صح

يلخ تسلمو وشكرا ليك يا MX

_________________
الرجوع الى المقدمة
استعرض نبذة عن المستخدمين ارسل رسالة خاصة ارسل الرسالة MSN Messenger
cool buffy
إم_نشط
إم_نشط


شاركت: 14 ابريل 2007
نشرات: 188



نشرةارسل: الجمعة مارس 07, 2008 1:10 pm    موضوع الرسالة: رد مع اشارة الى الموضوع

هههههههههههههههههههههه
هههههههههههههههههههههههه
هههههههههههههههههههههههههه
ههههههههههههههههههههههههههههه
والله مبالغة انا واشلي اتفقعنا طحك
(الله يقطع وشك)
لكن جد مبالغة ام اكس سندريلا دمنو ها يا ولد
كلوا كوم وللمو كوم تاني
للمو            
مالك ومال المصاروة ما يتحشروا في اي حتة مالك ومالهم
هوي يا للمو انت ليه تعمل الغلط الكبير
ليه تخلي ميشل  تزعل من للمو وتعمل لي ميشل زعل
ليه يا للمو  

_________________
الرجوع الى المقدمة
استعرض نبذة عن المستخدمين ارسل رسالة خاصة ارسل الرسالة
bnt_mxb
إم_صعب
إم_صعب


شاركت: 13 اكتوبر 2007
نشرات: 516


المكان: خلاص بطلوا شمشره p:

نشرةارسل: الثلاثاء مارس 18, 2008 5:54 pm    موضوع الرسالة: رد مع اشارة الى الموضوع

لوووووووووووووووووووووووووول

مباااالغه والله ..

قصه خطيييييييييره ..

ده شنو الفن والابداااع دخ كلو ..

بالجد بقولو عدم الموضوع في حد زاتو موضوع ..

يعني شوف عدم الموضوع طلعت بي حاجه كوول جداا ..

بالله كتر من المواضيع الزي دي ..

والله قصه ميه ميه    

_________________
{ .. وفيكٍي يا فرحَ آلـــ ق ــوافي اكتب الكلمات واسطّر ..

أمـ ش ـــي بالــ م ـــثل البقوؤول " كان مسكت ح ــرام تودر !" ,,
الرجوع الى المقدمة
استعرض نبذة عن المستخدمين ارسل رسالة خاصة
مجروحه العين
إم_صعب
إم_صعب


شاركت: 15 يناير 2008
نشرات: 537



نشرةارسل: الجمعة مارس 28, 2008 4:37 am    موضوع الرسالة: رد مع اشارة الى الموضوع

ههههههههههههههههههه    
ههههههههههههههههههههههههههههههههههه

قصه حلوه  شديد و كلام ليل مو صاح نمثل القصه  ده بتطلع حلوه شديد

والابطال اااااااااااااااممممممممممممممممممم


في دور ساندريلا طبعا نجمه الشباك الاولى وهى انا

ونفيسه بنوته عيناويه

وبتول بنت مكسب

ونعمل تصويت لباقي الابطال      


والله ابدعت يا ام  اكس وده ما جديد عليك مواضيعك كلها حلوه

ومنتظرين قصه بياض الثلج بالسودانى
 
_________________
ياحبيبي في .. غيابك
إختلف شكلي ولوني
صرت أنا إنسان / ثاني
والسهر تعب عيوني
والسؤال اللي ذبحني :
صدق أهو فعلا ً نسى ؟
راح وأهداني الأسى !
وماوصلت إلا لحقيقه :
الجفا أسهل طريقه
للقسى !..
الرجوع الى المقدمة
استعرض نبذة عن المستخدمين ارسل رسالة خاصة AIM عنوان
bnt_mxb
إم_صعب
إم_صعب


شاركت: 13 اكتوبر 2007
نشرات: 516


المكان: خلاص بطلوا شمشره p:

نشرةارسل: الاثنين ابريل 14, 2008 8:18 pm    موضوع الرسالة: رد مع اشارة الى الموضوع

هيييييييي وتااااني هييييييييي والتالته للجيران

اخترني لي روحك الدور السمح ونحن اديتينا المبشتن مش

لالالا

انا اعاااارض وبشده

 



_________________
{ .. وفيكٍي يا فرحَ آلـــ ق ــوافي اكتب الكلمات واسطّر ..

أمـ ش ـــي بالــ م ـــثل البقوؤول " كان مسكت ح ــرام تودر !" ,,
الرجوع الى المقدمة
استعرض نبذة عن المستخدمين ارسل رسالة خاصة
استعرض مواضيع سابقة:   
انشر موضوع جديد   رد على موضوع    ][][§¤°^°¤§][منتديــــات(M-UNiT)أم يونــت ][§¤°^°¤§][][ فهرس المنتدى -> قســـم القصـــه والخيـــال جميع الاوقات تستعمل نظام GMT + 4 ساعة
صفحة 1 من 1
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

Card File  Gallery  
Powered by phpBB © 2001, 2002 phpBB Group
Reddish theme Version 1.0.3 Created by DoubleJ(Jan Jaap)

Create your own free forum | Buy a domain to use with your forum